جەفای تۆم وەردەن
Jump to navigation
Jump to search
| جەفای تۆم وەردەن، جەفای تۆم وەردەن | ئاریز من یەند جەور جەفای تۆم وەردەن |
| نەعشم هانە حاڵ غەڕغەڕەی مەردەن | ها، یاوا وەعدەی گیان تەسلیم کەردەن |
| ئینە گرد جە داخ جەور جەفای تۆ | هیچ نەدیم و چەم ساتێ سەفای تۆ |
| بەو خوا قەسەم واحد فەردەن | حس تۆش وەی تەور و جوور ئاوەردەن |
| کزە و قرچەی جەرگ بۆی کەواو دڵ | گرپەی گڕەی نار دەروون پر چڵ |
| ئەو کزش کەردەن خەلایق ئەسەم | ئێد سارای وێساڵ پۆشنان وەتەم |
| خەوفم هەرئیدەن من جە مەردەنم | بە وەقت تەسلیم گیان سپەردەنم |
| بەیانم وەسەر نەکیر و مۆنکەر | بواچان کێتەن خۆدا و پێغەمبەر |
| چێش بدەو جواب، ئەوکۆ بەروو داد | نەو سەروەختەدا، هەرتۆم هاوەیاد |
| ئازیز! یە سزای ئێستێغنای وەسڵت | یە جەور غۆربەت یە جەفای فەسڵت |
| یەدوود سینەی تەوەن تاومەن | یەدیدەی پەڕنم شەۆ بێ خاومەن |
| خۆ نەویت ڕازی بە وەسڵ یاران | پێم ئاورد دەردی غەریبی شاران |
| بارێ جەی غۆربەت نەکەردات وەیاد | ئێسە، خۆ ها، وەڵگ عۆمرم شی وەباد |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse