جانا کەمم حەواڵە بەبادە و پیاڵەکە
| جانا کەمم حەواڵە بەبادە و پیاڵەکە | ماچێ بەمە، لە لێوی پیاڵەت، حەواڵەکە |
| شەهد و شەرابە نۆشی حەریفانی بەزمی تۆ | جامێ بەمە، بەراتی سەر ئەو لێوە ئاڵەکە |
| تا موختەسەر لە حەسرەتی مەت ئاگەهی ببێ | ئاوێنە ڕاگرە؛ نیگەهێ بەو جەماڵەکە |
| دەردی فیراق و غوسسەی ئەییام و بەختی بەد | هەرسێ دووچارمن، وەرە ئەو ڕۆژە تاڵەکە! |
| تیرێکی غەمزە، کافییە بۆ تیپی عاشقان | سەیری خەدەنگی سەتوەتی ئەو چاوە کاڵەکە |
| چاهی زەقەن لە ڕێگە و گێسوو: دەلیلی دڵ | تۆ سەیری ئەم عەساکەش و ئەم کوێر و چاڵەکە! |
| سەد زەیغەمت شکاری دوو چەشمن، بەیەک نیگا | نیروویی شێری شەرزە و ئەو دوو مەراڵەکە |
| ڕۆژ و شەوم خەیاڵی ویساڵی لەبت هەیە | يا للعجب خەیاڵی منی پڕ خەیاڵەکە |
| تا کەی سەری تەکەببور و نازت دەگەڵ مەیە! | جارێکی تەفەققوودێکی لە ئەم خەستە حاڵەکە |
| وەعدەی ویساڵی داوە بەمە، یاری مە ئەدەب | کەمتر لە دەردی دووریی، دیداری ناڵەکە |
|
This work is now in the public domain in Iran, because according to the Law for the Protection of Authors, Composers and Artists Rights (1970) its term of copyright has expired for one of the following reasons:
In the following cases works fall into the public domain after 30 years from the date of publication or public presentation (Article 16):
|
|