تەشریف ناوەردی
| تەشریف ناوەردی ... | بای شەماڵ چێش بی، تەشریف ناوەردی؟ |
| عەرزو حاڵی من پەی یار نەکەردی | مەر شەربەتی دەست بێ شەرتان وەردی؟ |
| یەقین هەرزەگەرد بێ مەتامەنی | چوون سارائیان خەیاڵ خامەنی |
| سەرسامی، سادار، سارا گێڵەنی | چۆڵ گەردی کەم فام، تەمام وێڵەنی |
| مەر هەر کەس دەلیل دەردەدارانەن | قاسیدی نامەی کەفتە کارانەن |
| چوون تۆ بێ بەینەن ئەحواڵ ناوەرەن | سەودایی سیفەت، خەیاڵ نە سەرەن؟ |
| ئومێد هەن دەرگێڵ سەرزەمینان بای | ئاوارەی وەتەن جام جەمینان بای |
| تا بە جەستەی من هەنی هەژاران | نەکەری خەریک چەمەڕای یاران |
|
This work was published before January 1, 1931, and is in the public domain worldwide because the author died at least 100 years ago. |