تەرسا بەردەنم
| تەرسا بەردەنم ... | ڕاسەن سوجدەی دەیر، تەرسا بەردەنم |
| مەی نە پای مینبەر مەسجد وەردەنم | تەجدیدی مەزهەب عیسا کەردەنم |
| فتوای بەرەهمەن گێرتەنم نە گۆش | دینم دان جە لای دینی مەی فرۆش |
| کەردەنم نە دۆش خەرقەی ڕەهبانان | کێشانم جاڕووی دەوری بتخانان |
| ئانە گشت جە وەخت نادانیم بیەن | فەسڵی سەرمەستی و جەوانیم بیەن |
| ئیسە ها جە گشت پەشیمانیم بەرد | فەسڵی پیریمەن، جەوانیم ویەرد |
| وادەی پیریمەن، یاوانم نۆبە | نۆبەی تۆبەمەن کەرەم دار، تۆبە |
| ئومێدم بە تۆن وەنەم نەگیری | بویەری جە جورم وادەی کەم ویری |
|
This work was published before January 1, 1931, and is in the public domain worldwide because the author died at least 100 years ago. |