| تەرزی بید بە تار...
|
تەرزی بید چوون زوڵف مەلەرزۆ بە تار
|
| بە هەوای پرشنگ تافی بێ قەرار
|
نەپای با لوول کۆ سەخت وەرنسار
|
| وەڵگ بید زایف، تەرز تووڵ زەبوون
|
زەبوونتەر جە تەرز تای کڵافی توون
|
| مەلەرزۆ بە باد سەردی سەبایی
|
نەڕووی گوڵی سەوز سافی مینایی
|
| پەرسام ئەر هەی بید، دەست نیشانی دەست
|
تورک تەڕ ئەندام، سای سەهەند پەیوەست
|
| چێشەن درەختان ڕووشان نە باڵان
|
تۆ سەر سەراوێز، ڕووی زەمین ماڵان؟
|
| بید ئاما جەواب بە زوبانی حاڵ
|
چوون پەرسات حاڵم، بواچوون هەواڵ
|
| منیچ نەونەمام نازک بەر ئاو بیم
|
سەرتەرزی لەرزان تافی سەراو بیم
|
| ناگا پەی تەقدیر دیدە سیاوێ
|
خاو ئالوود سوبح خێزا جە خاوێ
|
| ئامانە سایەم مەخسەڵ دا خاڵان
|
کۆکۆی خەرمەنی خەمان دا تاڵان
|
| جەو ساوە جۆیای ئەو نەو تارەنان
|
چۆ بی سەراوێز بێ قەرارەنان
|
