تۆ ئەحمەدی موختاری
Jump to navigation
Jump to search
| تۆ ئەحمەدی موختاری، موقەڕڕەبی غەففاری | شافیعی توڕڕەداری، لێت بێ سەلامی باری |
| خاکی حیجاز، فیدامە، کۆلەی شاو و گەدامە | هەتا ڕۆژی قیامە، نیازیی دڵمە یاری |
| تەواف و ئاوی زەمزەم، سەعیی سەفاوو مەڕوەم | هیچ نییە پێی بەدەل کەم، بە بێ خەسارە داری |
| عەڕەفاتی مونەووەر، هەم موزدەلیفەو مەشعەر | خیف و مینای موتەههەر، لەگەڵ ڕەمی جیماری |
| مەنزەرەی ڕۆژی حەشرن، حەجاج کە ڕێگە دەگرن | تابیعی نەهی و ئەمرن، بۆ غافیر و سەتتاری |
| هەموو میوانی خوانە، پاک لە گوناهـ جودانە | تالیبی مەرحەبانە، عەفووی پەروەردیگاری |
| مەدحی حەبیبی ئەکڕەم، دوورە لە من بە هەردەم | مەعقوول نییە کە دەست دەم، لە مەدحی سەحب و یاری |
| ئەو مەرکەزی ئینعامە، سەرداری خاس و عامە | من مێشولەی هەوامە، لە ڕاست ئەو توڕڕەداری |
| ئەو سەروەری زەمینە، ئیمامی موڕسەلینە | شەفیعی موزنیبینە، منیش گەداو هەژاری |
| ئەو شاهی سەر بە تاجە، ئەو ساحێبی میعراجە | عالەم بەوی موحتاجە، لە ڕۆژی شەرمەزاری |
| من بێ بەهاو حەیامە، ڕۆژ و شەو پڕ خەتامە | بێ مەلجەئو پەنامە، گەر ڕەحمەتێک نەباری |
| ئەمما ئەگەرچی دوورە، بەینی من و ئەو نوورە | وەک سولەیمان و موورە، نیسبەت کە بکرێ جاری |
| لە مەککە بوو زوهووری، ئەو زاتی پڕ لە نووری | خەڵاتی کرد غەفووری، بە ڕوتبەی تاجیداری |
| پاشان لەبەر ڕەحمەتی، خودای ڕەببولعیززەتی | کردی عەزمی هیجرەتی، لەگەڵ سددیق بوو ساری |
| بۆ لای مەدینە هاتن، هاتن بەڵام چ هاتن | ڕۆژ و مانگ بوو هەڵاتن، عالەمیان هاتە دیاری |
| لە پاشی ئەو جەنابی، هات کۆمەڵی ئەسحابی | بووە مەجمەعی ئەحبابی ، موهاجیر و ئەنساری |
| مەدینە بوو مونەووەر، بە هاتنی ئەو سەروەر | مەککە دەبوو موعەتتەر، پاک بۆوە لە کوففاری |
| بووە جێی تەکبیر و تەهلیل، بووە جێی تەسبیح و تەنزیل | بووە مەنزیلی جوبرائیل، لەوێ دەهاتە خوارێ |
| ڕوو بکەنە لای مەدینە، جێی فەخری موڕسەلینە | مەڕجەعی ئەهلی دینە، خۆشی لە بۆ زوواری |
| عالەم لەوێ غەنی بوو، هەموو کەس گوڵشەنی بوو | بەشیان لە خەرمەنی بوو، کەوتینە بەختیاری |
| بەڵام ئەمن بە تەنیا، نە دینم و نە دونیا | غەرقی گوناهی دەریا، هەر مام بە ئینتیزاری |
| ئەگەرچی ڕووت و قووتم، لە چاکە وا لە دووتم | چونکە غولامی خۆتم، لێم دوور مەبە یەکجاری |
| لە دوور کە دێتە بەرچاو، دێ بۆن بخور و عەتراو | بە نووری شاهی گوڵباو، ڕووناکە چار کەناری |
| زەمانە پڕ جەفایە، هەرچی هەیە بەڵایە | فیتنە لە فیتنە دایە، لە دێهات و لە شاری |
| عاجز ئەگەرچی خواری، لە دەرگەی شەرمەزاری | مەئیووس مەبە لە یاری، شافیعتە لای غەففاری |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse