تۆی دەروون وە نێش زامان خەتەر

From Wikisource
Jump to navigation Jump to search
تۆی دەروون وە نێش زامان خەتەر  (1866) 
by مەولەوی تاوەگۆزی
تۆی دەروون وە نێش زامان خەتەر کەیلەن جە هووناو مەوجش وست نە سەر
هاژە وست وە سەر، گشت کۆنە زامان کولیانۆ جە نۆ سەر کەرد نە دامان
کزیان و چزیان قرچەش دا نە جەرگ قەڵوەزەی زووخاو ڕەنگین کەردش بەرگ
وەشتەرەن ئازیز مەرگ جەی ژیانە هەر ساتێ سەد ڕەنگ مەگری بەهانە
جۆی زووخ جاریەن شەو جە زامانم تەڕەن وە ئەسرین ڕۆوان دامانم
ئازیز سا وەسەن ئاخر نەفەسەن چکەی زووخ جەرگ، هەرس چەم وسەن


This work was published before January 1, 1929, and is in the public domain worldwide because the author died at least 100 years ago.