توركيه جمهوريتى ايله چه قوسلوواق جمهوريتى آراسنده آنقره ده منعقد ۱۱ تشرين اول ۱۳٤۰ (۱٩۲٤) تاريخلى مهادنت معاهده نامه سى
بر طرفدن توركيه
دكر طرفدن چه قوسلواقيا
توركيه جمهوريتى ايله چه قوسلوواق جمهوريتى آراسنده مخادنت صميميه روابطنى تأسس مناسبات ايدنج بونلرك هر ايكى ملتك عمران و رفاهنه خادم اولاجغنه قانع بولندقلرى جهتله بر مخادنت معاهده نامه سى عقدينه قرار ويرمشلر و بو مقصدله مرخصلرينى تعيين ايله مشلردر.
يعنى :
توركيه رئيس جمهورى
خارجيه وكالتى مستشارى توفيق كامل بكى
چه قوسلوواق رئيس جمهورى ده
چه قوسلوواق دلكه سى دوقتور موسيو (رودولف سوه تيك)ى تعيين بويورمشلردر. مشل اليهما اصولى دائره سنده تنظيم ايدلدكلرى تبين ايدن صلاحيتنامه لرينى بعدالتعاطى مواد آتيه يى قرارلاشديرمشلر در:
ماده ۱- توركيه جمهوريتى ايله چه قوسلوواق جمهوريتى آراسنده ناقابل نقض و اخلال صلح و مسالمت و صميمى و دائمى مخادنت موجود اولاجقدر .
ماده ۲ - طرفين عاليين عاقدين دولتين آراسنده دول اساساتنه توفيقاً مناسبات ديپلوماسيه تأسيسنده مطابقدرلر. و هر برينك ديپلوماسى ممثللرينك متقابليت شرطيله طرف ديكر مملكتده حقوق عموميۀ بين الملل اساسات عموميه سيله استقرر ايدن معامله يه مظهر اولاجقلرينى تصديق ايده رلر.
ماده ۳- طرفين عاليين عاقدين قونسولوسلق و هر ايكى مملكت آراسنده كى تجارت مناسباتى و هر برينك مملكتنه طرف ديكر تبعه سنك شرائط اسكان و اقامتنى و بعض مواد عدليه ده طرفين مأمورين عدليه سنك يكديكرينه ايفا ايده جكى معاونتى تام بر متقابليت اساسنه مستنداٌ و حقوق عموميۀ بين الملل قواعدينه توفيقاً عقد ايتمك حقنى محافظه ايلدكلرى مقاولات ايله تنظيم ايتمك خصوصنده مطابقدرلر.
ماده ٤- ايشبو معاهده نامه تصديق ايديله جك و تصديقنامه لر سرعت ممكنه ايله آستانبولده تعاتى قلنه جقدر.
معاهده نامه تصديقندن اعتباراً اون بش كون صكره موقع مرعيته كيره جكدر.
تصديقاًللمقال طرفين مرخسلرى ايشبو معاهده نامه يى امضا و تحتيم ايلمشلردر .
آنقره ده ۱۱ تشرين اول ۱۹۲٤ تاريخنده نسختين اوله رق تنظيم قلنمشدر .
توفيق كامل دوقتور سوه نيك