توركيه جمهوريتى ايله فلمنك قراليتى آراسنده منعقد ۱٦ آغستوس ۱۳٤۰ (۱٩۲٤) تاريخلى مخادنت معاهده نامه سى

From Wikisource
Jump to navigation Jump to search

توركيه جمهوريتى ايله فلمنك قراليتى آراسنده منعقد ۱٦ آغستوس ۱۳٤۰ (۱٩۲٤) تاريخلى مخادنت معاهده نامه سى

بر طرفدن

توركيه

دكر طرفدن

فلمنك

توركيه جمهوريتى ايله فلمنك قراليتى آراسنده كى مخادنت صميميه روابطنى تأسيس و تشييد ايتمك آرزوسيله متحسس و حكومتين آراسنده تأسس مناسنبات ايدنجه بونلرك هر ايكى ملتك عمران و رفاهنه خادم اولاجغنه قانع بولندقلرى جهتله بر مخادنت معاهده نامه سى عقدينه قرار ويرمشلر و بو مقصدله مرخصلرينى تعيين ايلمشلردر يعنى :

توركيه رئيس جمهورى

خارجيه وكالتى مستشارى توفيق كامل بكى ٬

فلمنك قراليچه سى

فوق العاده مرخص و اورته ايلچى بارون دووه لده رن (رنكه رس) ى تعيين بويورمشلردر . مشارالیهما اصولی دائره سنده تنظیم ایلدكری تبین ایدن صلاحیتنامه لرینی بعدالتعااطی مواد آتیه یی قرارلاشديرمشلردر :

ماده ۱- توركيه جمهوريتى ايله فلمنك قراليتی آره سنده ناقابل نقض و اخلال صلح و مسالمت و صميمی مخادنت موجود اولاجقدر .


ماده ۲- طرفين عاليين عاقدين دولتين آره سنده حقوق دول اساساتنه توفيقاً مناسبات ديپلوماسيه تأسيسنده مطابقدرلر . هر برينك ديپلوماسی ممثللرینك متقابليت شرطيله طرف ديكرينك مملكتنده حقوق عمومۀ بينالملل اساساتى عموميهسيله استقرار ايدم معاملهيه مظهر اولاجقلرينى تصديق ايدرلر.


ماده ۳- طرفين عاليين عاقدين هر ايكى مملكت آراسنده كی قونسولوسلق و تجارت مناسباتنى و هر برينك مملكتنه طرف ديكر تبعه سنك شرائط اسكان و اقامتنى تام بر متقابليت اساسنه مستنداٌ و حقوق عموميۀ بين الملل قواعدينه توفيقاً عقد ايتمك حقنى محافظه ايلدكلرى مقاوله نامه لرله تنظيم ايتمك خصوصنده مطابقدرلر.


ماده ٤- ايشبو معاهده نامه تصديق ايديله جك و تصديقنامه لر سرعت ممكنه ايله آستانبولده تعاتى قلنه جقدر.

معاهده نامه تصديقندن اعتباراً اون بش كون صكره موقع مرعيته كيره جكدر.


تصديقاًللمقال طرفين مرخسلرى ايشبو معاهده نامه يى امضا و تحتيم ايلمشلردر .


آنقره ده ۱٦ آغستوس ۱۳٤۰ (۱٩۲٤) تاريخنده نسختين اوله رق تنظيم قلنمشدر.

توفيق كامل وه لده رن رنكه رس