توركيه جمهوريتى ايله اسوه چ قراليتى آراسنده منعقد ۳۱ مايس ۱۳٤۰ (۱٩۲٤) تاريخلى مخادنت معاهده نامه سى

From Wikisource
Jump to navigation Jump to search

توركيه جمهوريتى ايله اسوه چ قراليتى آراسنده منعقد ۳۱ مايس ۱۳٤۰ (۱٩۲٤) تاريخلى مخادنت معاهده نامه سى


توركيه جمهوريتى ايله اسوه چ قراليتى آراسنده كى مخادنت صميميه روابطنى تأسيس و تشييد ايلمه يى عينى درجه ده خالصانه آرزو ايتدكلرى و مملكتين آره سنده تأسس مناسبات ايدنجه بونلرك هر ملتك عمران و رفاهنه خادم اولاجغنه قانع بولندقلرى جهتله بر مخادنت معاهده نامه سى عقدينه قرار ويرمشلر و بو مقصدله مرخصلرينى تعيين ايلمشلردر يعنى :

توركيه رئيس جمهورى

خارجيه وكالتى مستشارى توفيق كامل بكى

و اسوه چ قرالى :

فوق العاده مرخص و اورته ايلچى (واله نبرغ) ى تعيين بيورمشلردر. مشارالیهما اصولی دائره سنده تنظیم ایلدكری تبین ایدن صلاحیتنامه لرینی بعدالتعااطی مواد آتیه یی قرارلاشديرمشلردر :


ماده ۱- توركيه جمهورتی ايله اسوه چ قراليتی بيننده وكذلك ايكی دولتك تبعه سی ناقابل نقض و اخلال صلح و مسالمت و صميمی مخادنت موجود اولاجقدر .


ماده ۲- طرفين عاليين عاقدين دولتين آره سنده حقوق دول اساساتنه توفيقاً مناسبات ديپلوماسيه تأسيسنده مطابقدرلر . هر برينك ديپلوماسی ممثللرینك متقابليت شرطيله طرف ديكرينك مملكتنده حقوق عمومۀ بينالملل اساساتى عموميهسيله استقرار ايدم معاملهيه مظهر اولاجقلرينى تصديق ايدرلر.


ماده ۳- طرفين عاليين عاقدين قونسولوسلق و هر ايكى مملكت آره سنده كى تجارت مناسباتى و هر برينك مملكتنه طرف ديكر تبعه سنك شرائط اسكان و اقامتنى تام بر متقابليت اساسنه مستنداٌ و حقوق عموميۀ بين الملل قواعدينه توفيقاً عقد ايتمك حقنى محافظه ايلدكلرى مقاوه له نامه لرله تنظيم ايتمك خصوصنده مطابقدرلر.


ماده ٤- ايشبو معاهده نامه تصديق ايديله جك و تصديقنامه لر سرعت ممكنه ايله آستانبولده تعاتى قلنه جقدر.

معاهده نامه تصديقندن اعتباراً اون بش كون صكره موقع مرعيته كيره جكدر.


تصديقاًللمقال طرفين مرخسلرى ايشبو معاهده نامه يى امضا و تحتيم ايلمشلردر .

آنقره ده ۳۱ مايس ۱۹۲٤ راريخنده نسختين اوله رقتنظیم قلنمشدر.