بۆ کورد
گوێیەک کە بانگی کوردی پیا نەدرێ
تەنیا ئەوە بێت خۆی قوت ڕاگرێ
دەک یاخوا کەڕ بێ و لە بنا بڕ بێ
ئەو تاکە کڵاشە بۆ بڕین باشە
بەڵام گەر گوێیەک بە خۆشی و شادی
وەرگرێ دەنگی بەرزی ئازادی
خۆی شل کا ببیە نەعرەتەی مادی
ئەو گوێیە خۆش بێ ژیانی نۆش بێ
دەنگێ کە بۆ کورد بانگەواز نەکا
داوای ئازادی و سەرفراز نەکا
هاواری دەردی هەموو ڕاز نەکا
دەک خوا بیبڕێ هیچ کات نەچڕێ
بەڵام گەر دەنگێ بەبێ ترس و لەرز
خۆی لێ هەڵبڕێ بێ کۆڵدان نەبەز
ڕابفڕێنێ دوژمن هەروەکوو مەگەز
بژی ئەو دەنگە کە ئەڵێی زەنگە
سەرێک بە بەرزی قنج ڕانەوەستێ
بە هەموو مێشکی کورد نەپەرستێ
هەمیشە کەچ بێ و نەتوانێ هەستێ
بشکێ، بپژێ، خوێنی بڕێژێ
بەڵام گەر سەرێ بەبێ بەراورد
چەڵەمەی هۆزی لێک باتەوە و ورد
بۆ کەس نەنەوێ وەکوو سەری گورد
بژیی ئەو سەرە بۆ لەش ڕابەرە
لەشێ بۆ کورد نەژی و نەمرێ
وەک لاکی تۆپیو بۆ گووفەک برێ
ئەوەش نەهێنیی سەگ وەریگرێ
بمرێ ئەو لەشە نەمانی باشە
بەڵام گەر لەشێ بە ڕۆژ و بە شەو
هەوڵی گەل بێ، بێ وچان و خەو
ناوی خۆی بنێ لەشێکی نەسرەو
ئەو لەشە شاد بێ وەک مەل ئازاد بێ
دەستێ کە داری ئاوات نەچێنێ
ئێخەی زۆرداران ڕانەوەشێنێ
بە بازووی مافی گەلێ نەسێنێ
بڕزێ، ببڕێ، وردوخاش بکرێ
بەڵام گەر دەستێ وەک دەستی پڵنگ
دەربێنێ جەرگی زۆرداران بە چنگ
لە خوێنی دڵا سوور بدا پڕشنگ
بژیی ئەو دەستە مایەی سەربەستە
سنگێ پێشمەرگەی کوردەوار نەبێ
قەڵغانی بۆمبای گۆپکەدار نەبێ
هەڵمەتی بەرەو لای زۆردار نەبێ
دەبا تێکشکێ، پەراسووی بشکێ
بەڵام گەر سنگێ لە خۆی نەترسێ
لە گوللە و تۆپ و ڕەشاش نەترسێ
هەوڵی بێمافیی گەلی بڕەخسێ
ئەو سنگەم ئەوێ، بەڵای لێم کەوێ
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse