بایەقوش ناڵان

From Wikisource
Jump to navigation Jump to search
بایەقوش ناڵان  (1881) 
by وەلی دێوانە
بایەقوش ناڵان، بایەقوش ناڵان تۆ هۆ کێشەنی من هەر شەو ناڵان
من خێڵ شادیم شەخسێ کەرد تاڵان تۆ چێش پێت ئامان هامدەرد ساڵان
ناڵەی من جە سۆک سەودای ئەو یارەن دڵم جە دووری ئەو بێ قەرارەن
من «پەروانە»ی شەوق «شەم» جەماڵێکم کوشتەی نیگای ناز سۆسەن خاڵێکم
تۆ شەوان تا ڕۆ بانگ هۆهۆتەن دەردەکەی دووری زامەت جە کۆتەن
من سفتەی سۆزان شۆڵەی ئەو نوورم بە ڕۆ هەراسان بە شەو «دەیجوور»م
تۆ داخ هجران کێت نە دەروونەن چون من سەرگەردان جەستەت زەبوونەن
من موبتەلای دەرد مەست مەفتوونم جانشین جای «قەیس» مەجنوونم
تۆ جە عەشقی کێ وێڵی و دێوانە؟ شەوان بێداری نە جای وێرانە
خۆزگە پێت سەد جار دەردین دڵڕێش وە جەستەی من نیت جەور و جەفا کێش
تۆ هەر نە خەیاڵ جای وێرانانی بێباک و لاقەید تیر و تانانی
درێغا منیش وەی گشت داخەوە وە داخ ئەو شەم شەو چراخەوە
شەو خەریک کونج جای ماتەم بیا شەوانیچ نە بەزم شادی شەم بیا


This work was published before January 1, 1929, and is in the public domain worldwide because the author died at least 100 years ago.