بايرام

From Wikisource
Jump to navigation Jump to search

بايرام
محرری: محمد عاكف

بايرام


برنجى كون هوا بر پارچه نا مساعددى :
ايكنجى كون آچيلوب صوكرا پك كوزه‌ل كيتدى .
ديدم كه : فاتحه چيقسه م ياواشجه ، بر يانده
دوروب او عالمى سير أيلسه م ده ميدانده،
زيارت ايتسه م احبايى صوكره دن .. خوش اولور ؛
بوتون كون أوده اوطورمق نه اولسه بوش اولور .
بوآرزوى تنزه كلنجه آرتق بن
دورورمى يم ؟ نه كزر ! فيرلادم همان أودن .
كلك ده بايرامى فاتحده سير ايدك ، زيرا
خياله ، خطره صيغماز او هرج و مرج صفا !
قوجاقده كزديريلن بر قاريش چوجوقلردن
طوتك ده تا دده ميز دملرندن آرته قالان
برر عصر ياشامش قد خميده كانه قدر
بويوك كوچوك بوتون افراد بلده بوى بوى وار !
آديم باشنده قورولمش بشيك صالينجاقلر،
ايچنده داربوقه ، دفلرله زيللى شاقشاقلر .
چولوق چوجوق برر اونلق ويروب ده كيرمك ايچون
نونتله بكله شيورلر. عجب ايچينده نه وار؟
جاپونيادن كلن ، انسان صوراتلى بر جاناوار!
كچك : صيره يله چاديرلر اوكنده هر برينك
دييور: قوزوم ، كيره جك وارسه ، دورماسين كيرسين .
باغيرمه دن سسى بيتمش بر اعلان .
آلك كوزم، بوكا ديرلر ... صراسى هر ياندن
آلكتريكجيلرن كيفى پك يولنده هله،
كلن ياپيشمه ده بر مطلقا او صاپلى تله.

محمد عاكف