باغ دهرڭ هم خزانن هم بهارن گورمشز
Jump to navigation
Jump to search
باغ دهرڭ هم خزانن هم بهارن گورمشز
بز نشاطڭده غمڭده روزگارین گورمشز
چوقده مغرور اولمه كیم میخانهٔ اقبالده
بز هزاران مست مغرورڭ خمارین گورمشز
طوپ آه انكساره پایدار اولمز ینه
كشور جاهڭ نیجه سنگین حصارڭ گورمشز
بر خروشیله ایدر بیڭ خانهٔ اقبالی پست
أهل دردڭ سیل أشك انكسارین گورمشز
بر خدنگ جانگداز آهدر سرمایه‌سی
بز بو میدانڭ نیجه چابكسوارین گورمشز
بر گون ایلر دست بسته پایگاهی جایگاه
بیعدد مغرور صدر اعتبارین گورمشز
كاسهٔ دریوزه‌یه تبدیل اولور جام مراد
بز بو بزمڭ نابیا چوق باده خوارین گورمشز
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse