ای ملک سیما که سن‌دن اوزگه حئیران‌دیر سنه
| ای ملک سیما که سن‌دن اوزگه حئیران‌دیر سنه یازار: محممد فوضولی |
ای ملک سیما که سن‌دن اوزگه حئیران‌دیر سنه
حق بیلیر اینسان دئمز هر کیم که اینسان‌دیر سنه
وئرمییه‌ن جانین سنه بیلمز حیات-ی جاویدان
زینده و جاوید اونا دئرلر که قوربان‌دیر سنه
عالم-ی پروانه-یی شمع-ی جمالین قیلدی عشق
جان عالم‌سن فدا هر لحظه مین جان‌دیر سنه
عاشیقه شوقینله جان وئرمک ایکن موشکول ده‌ییل
چون مسیحی وقت‌سن جان وئرمک آسان‌دیر سنه
چخسا یاریم گئجه‌لر اغیار طعنیندن ساقین
سن مه‌هی اوج-ی ملاحت سن بو نوقصان‌دیر سنه
پادیشاهیم ظولم ائدیپ عاشق سنه ظالیم دئمیش
خوب‌رو لردن یامان گلمز بو بوهتان‌دیر سنه
ای فوضولی خوب‌رو لردن تغافول‌دیر یامان
گر جفا هم گلسه اونلاردان بیر ائحسان‌دیر سنه