اگرچه ایینه تک کئچدیم جهانین جومله وارین‌دن
Jump to navigation
Jump to search
| اگرچه ایینه تک کئچدیم جهانین جومله وارین‌دن یازار: محممد فوضولی |
اگرچه ایینه تک کئچدیم جهانین جومله وارین‌دن
هنوز آردیمجادیر قئید-ی تعللوق، زولف-ی تارین‌دن
شهید-ی عشق اولوب فئیض-ی بقا کسب ائیله‌مک خوش‌دور
نه حاصیل بی‌وفا دهرین، حیات-ی موستعارین‌دن
حوباب اشک و آه-ی پور شرر، قیلمیش منی فاریغ
جهانین قصر سیم اندود و کاخ زرنیگارین‌دن
گورونمز صورت-ی اوممید-ی وصلین، لوح-ی جانیم‌ده
موکددر دیر مگر اول آیینه، جیسمیم غوبارین‌دن
اوزانیر ریشته-یی، طول-ی عمل، دیدار-ی ذوق ایله
خم آچیلدیقجا، اول گول‌چوهره زولف-ی تاب‌دارین‌دن
سنه‌دیر ایقتداسی طواف کوی-ی لیلی ائتمک‌ده
خس و خارین قوپار ای ناقه، مجنون رهگذارین‌دن
"فوضولی"دن، ملامت ائحترازین ایسته‌یه‌ن گویا
دئییل واقف، دیل-ی سوزان و چشم اشکباریم‌دن