الْهي د محبـت په اورکـښي تـوان را

From Wikisource
Jump to navigation Jump to search
الْهي د محبـت په اورکـښي تـوان را
by مرزا عبدالحنان بارکزی

الْهي د محبـت په اورکـښي تـوان را
سـمندر رنګه د پټي خولي بیـان را

کل سـختي مي له زړه و باسې قادره
لکه زلفي د خوبانو زړه پرېشان را

چي د فیض لباس هر څوک را څخه یوسـي
د دانش له رخته ډک هسي دوکان را

چي مي شناخت له تـا پـه وشـي ذوالجلالـه
پــه خپـل لطـف سـره ډک جام د عرفان را

چي بې تـا یې په زړه بله هوا ګرزي
د هغه عالِم له دیـده ته امان را

جسم و جـان مي کـړه فارغ له غیـره خیاله
په منقار د هُمای عشق مات اسـتخوان را

ماسـوا مي له خاطره فراموش کړه
د خپل حب ځای په سینه کي زمـا ”حنـان“را


This work was published before January 1, 1929, and is in the public domain worldwide because the author died at least 100 years ago.