ئەی دڵ وە سەنگ بای

From Wikisource
Jump to navigation Jump to search
ئەی دڵ وە سەنگ بای  (1881) 
by وەلی دێوانە
ئەی دڵ وە سەنگ بای، ئەی دڵ وە سەنگ بای ئەی دیدە کۆر بای، ئەی دڵ وە سەنگ بای
ئەی «زووان» لاڵ بای ئەی خاتر تەنگ بای ئەی «تەن» تاویای ژار فەرەنگ بای
ئەی «گۆش» نەژنەوا هەر یەکجار کەڕ بای ئەی کەڕ وە غەزەب باد سەڕسەڕ بای
ئەرێ تاڵەی من غەزەب وارۆ لێت ئەرێ بەخت من تەوەن وارۆ پێت
ئەی فریشتەی من وە فەرمان حەق فریشتان عەرش شەقت کەران شەق
ئەی ئیقباڵ من هەر سەرنگوون بای سەرنگوون نە قەعر ئاب «هاموون» بای
وێم بە وێم واچوون بە کۆی زوخاڵ بای تەن نە غەرق بەرق فەنا پاماڵ بای
چەند ساڵەن کە ڕەنج ڕیازەت بەردم هوون زووخ زام ڕیشەی دڵ وەردم
ئاخ و داخم بێ شەوان تا وەڕۆ بوینۆ باڵای لەیل عەنبەر بۆ
خاو مەرگم بی، خاوم کەردە بێ دیدەم نە خاو بێ «شەم» ویەردە بێ


This work was published before January 1, 1929, and is in the public domain worldwide because the author died at least 100 years ago.