ئەو جەعدی موسەلسەل، کە لەسەر چیهرە بڵاوە
| ئەو جەعدی موسەلسەل، کە لەسەر چیهرە بڵاوە | هەر دانە دوو سەد سیلسیلە، سەد حەلقە و داوە |
| حیرەت نییە پابەندیی مە، بەو خەتی زیبای | ڕۆژی ئەزەلێ ئەو خەتە، وا بۆمە کشاوە |
| گریانی بەیانانی منە، عیللەتی خەندەت | مەعلوومە کە پشکووتنی خونچە؛ بەشەواوە |
| قەترەی عەرەقی جەبهەتە، نەقشی قەمەری ڕوو | یا تەلعەتی خورشیدە، موجەددەر لەسوهاوە! |
| فەرمووتە نەڵێم نوکتەیی عیشقت بەڕەقیبان | ئەو ئاتەشی سوزەندە بەمن چۆن دەشەراوە! |
| ئاشوفتەگیی خۆم بەسە، ئەو زوڵفی سیەهـ فام | بۆچی بەشەو و ڕۆژ، دەگەڕێ لێم؛ بەچراوە! |
| تەرغیبی عیلاجم دەکەی و بێخەبەری لێم | چارەی دڵی بێچارە، نەماوە بەدەواوە |
| سەردان و گەیشتن، بەویساڵی لەبی لەعلت | نرخێکە لە بازاڕی وەفا، بۆ مە بڕاوە |
| بۆ شەککەری خامت، کە نەبوو چارێ بکا خەم | ئەم جیسمی نزارەم لە نمی دیدە تواوە |
| بیستوومە، کە: شیرینە بەری سەبر لە ئەنجام | ئەمما بەمن، ئەو دارە؛ بەری لێ نەچناوە |
| کێ بێت و بکات جیلوە، لە لای تۆ؛ کە نەزاکەت | جامەیێکە دەڵێی لەو قەدد و باڵایە بڕاوە |
| سەودایی سەری توڕەتە، جانا لە سەریدا | مەنعی مەکە ئەمڕۆکە ئەدەب فکری بڵاوە |
|
This work is now in the public domain in Iran, because according to the Law for the Protection of Authors, Composers and Artists Rights (1970) its term of copyright has expired for one of the following reasons:
In the following cases works fall into the public domain after 30 years from the date of publication or public presentation (Article 16):
|
|