ئەز ئاشک بێنێ

From Wikisource
Jump to navigation Jump to search
ئەز ئاشک بێنێ  (1849) 
by سەیدی
ئەز ئاشک بێنێ، گێرێم یاوو ئەشکێ گرینێو سۆچنێم من «یاو» و ئەشکێ
نەبێ حاڵم وەرۆ ئەشکێ عەزیمێ ڕوێو کۆمم کیاستم پەی حەکیمێ
دیۆم چێش یارم ئۆما وەختێ شۆمە ئەرەجیێ «مۆنگە»نە، مۆنگێ تەمۆمە
من ئێشە و هۆمدەمیم سا سێ نەبۆ کەس شەریک و هۆمدەمیم یارم وەسۆ وەس
مەمەڵجێش «نار»ە، کوڵمێش سوورە «ساو»ە وێش ئەجیێ «سەڵوینە» مدرێنە پاوە
نەتاوانم وەرو چا ساوو نارێ دەمێو کۆمم چەنیش گیرۆ نەزارێ
دەمێو نیشتە چەنیم، دەستە زرۆنێ وەنەش لاڵام، وە «یاسین» و «کرۆن»ێ
دەمێو نەزڵەم بێ ئەز واچێنێ مێرۆ شوکر ژیۆوە دۆسەم کارێ گێرۆ
من ئێشە و «مێرە» بێنێ ئادە «ئیسا» دەواش گێرۆ، بەرۆوە زیندە، ئیسا
دەموو ڕۆی یارەم ئێزاوە و لواوە حەکیمێ چە و دما نیشتمەرە لاوە
ڕەگش گرت و دەمێو دەستش فشارۆ سەرەش لکناوە واتش: ئینەنە یارۆ
تەبیب و تۆ چمان دۆستت برێنە نیۆت هیچ سەیدی تە دەرووت شرێنە


This work was published before January 1, 1929, and is in the public domain worldwide because the author died at least 100 years ago.