ئەجەل داوم بۆ
Jump to navigation
Jump to search
| ئەجەل داوم بۆ ... | تا کەی من چەنی دەوران داوم بۆ؟ |
| تا کەی شەو بێ یار، شیرین خاوم بۆ؟ | بۆ با پات وەبان هەردوو چاوم بۆ |
| ئەر سەد پەژاران گیانم مەستانان | وەس نیەن بە نام زیندەم مەوانان |
| سپای غەم بەی تەور زۆر گرتەن وەنەم | هەر ساتێ مەرگێ مەنمانۆ پەنەم |
| سەندەن نیمەیێ، ئەویچ هیجرانان | گەرەکشان بە زۆر چەنەم بستانان |
| نەواچی پەی چێش من چیم نەزانان | ئیسە مواچو ئەجەل ها هانان؟ |
| گیانێ کە بەرشیی بە یەک دیانێ | جە کۆ باوەروون پەرێت، گیانێ؟ |
| شەماڵ شۆ واچە، بەو ئایرناکە | بەو دڵ سفتەی خەم، سینە چاک چاکە |
| ئەر سەد ساڵ سوچۆ وەن دار جە شاخان | چێ پەروا دارۆ عەرعەر جە باخان |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse