ئیبتیدا بە نام حەیی خۆش لیقا
Jump to navigation
Jump to search
| ئیبتیدا بە نام حەیی خۆش لیقا | خالق المخلوق دنیا و ما فيها |
| قەرار دادەی حووت ماهی چەنی گا | حەیی لایەمووت ئەبەدەل بەقا |
| یا ڕەب وە دەرگات سەد حەمد و سەنا | موحتاجم نەکەی وە شەخس دەنا |
| بەندە موحیبەن وە اهل العبا | کەلب ئاستانەی علي الاعلىٰ |
| ئەر سەد مونکیران بدەرام جەفا | مەدح شای مەردان نمەکەم خەفا |
| بشنەودێ یاران وە کەیف و سەفا | مەدحێ چە تەوسیف زات مستەفا |
| مەعلوومەن چە لای ئەهل عورەفا | چە عەشق ڕەسووڵ سازیان ئەی دونیا |
| ڕجا چی ئێدەن چە ڕۆز ئەو دونیا | تاج لەولاکش وەڕووی سەر نیا |
| کەلام قەدیم وە خەڵات دریا | موحەممەدەل ئەمین وەنامش نریا |
| دونیاتان نەڕووی خاک مەبۆ ڕوویا | ئیبتیدا بە نام عەلی مۆ گۆیا |
| نامش مونەقەش چە هەفتەم دەرگا | جبرائیل باوە غوڵام بود بیللا |
| ببۆ وە کاغەز گشت ئەرز و سەما | بەحران مەرەکەب ببۆ جا بە جا |
| جەنگەڵان قەڵەم جیهان بۆ مەڵڵا | نمەبۆ تەمام وەسف ئەهلەل عەبا |
| قرة العيون حەبیب خودا | فازدار بێ عەیب فاتیمەی زەهرا |
| مادەر حەسەن، حسێن، مجتەبا | ئەی یاران ئێدەن هەم خير النساء |
| بەرزەن دەماغم دەماوەن ئاسا | قلووبم وەحوب ئێشان بی ئەحیا |
| شباب الجنة حەسەن خەلق ڕەزا | هەم شا حوسەینەن خواجای دوو سەرا |
| زين العابدين ئەعما کەرد بینا | موحەممەد باقر پەی دەرمان دەوا |
| جەعفەر سادق سەردار عوقبا | عومووم دیانەت وە ئەو مۆ ڕجوا |
| وە مووسای کازم گیانمان بۆ فیدا | تووتیان پەی چەشم خاک و پای ڕەزا |
| محەمەد تەقی زات ئالی جا | ئێد مەکۆ پەیمان فەردا ڕۆ ڕەجا |
| حەسەن عەسکەری شای عالەم پەنا | پەرێ هاشمیان مەبۆ مەلجا گا |
| علی النقی هەم سوخەن ڕەوا | موحیببان چە فەیزی ئەو مەبان ئەحیا |
| مەهدییەن ساحێب هەم تاج و لەولا | چە ڕۆژ باقی پەی مان مۆ پەنا |
| چە عەشق عەلی گیان مەکەم فەنا | مەدحش بوانان وە بڵند سەدا |
| قەومان یەزید حەسرم دان نە جا | فەردا چە مەحشەر ڕووشان مۆ سیا |
| فیرقەی - - - وە زەڕ و زیبا | فیرقەی - - - بێ زید و ماوا |
| تۆ با دوشمنان کەردەنت نیگا | دۆستان جەفا کێش پەی ڕۆژ عوقبا |
| ايها القريش لا تعطوا اذا | انشا الله نحن من اهل الجنا |
| بە غەیر چە عەلی شاهـ کبریا | کێن بکەرۆ وە دەردمان دەوا |
| یەک نوقتە ێ بی هەم چە تحت البا | وەبێ نام ئەو سەر نەگرد دونیا |
| انا مدينة العلم علي بابها | فەرموودەی ڕەسووڵ باوەردێ وەجا |
| مەزرەعەی قلوب بکەردێ ئەحیا | وەحوب عەلی سیراب مۆ ئەشیا |
| ئاخرش هیچەن دونیای بێ بەقا | دین و ئیمانتان مەدێ وە یاغما |
| القلب مومن ماچان بيت الله | دەرگاش مەپاچدێ مەندێش وەژێر پا |
| ئیسمی حەی بگنۆ وەهەرچی ئەشیا | موقەدەس مەبۆ وێنەی بيت الله |
| اسم جسم هەردوو دارۆ یەک مەعنا | قوڕەیشی دوشمن چە نامەی خودا |
| سمێڵەن قاپی دەروون صفي الله | لازمەن تەقبیل پەرێ زیارەت گا |
| بالعکس ئەغیار نەسەر تا وەپا | وە میقراز و تیغ مەکەرۆش جودا |
| ئینە کەی مەبۆ چەلای حەق ڕەوا | قەول بەشەر مەقبووڵ چە نامەی خودا |
| ئەی قەوم... بکەردێ حەیا | ڕوکن شەریعەت مەکەردێ فەنا |
| ناقس مەڵڵایان مەدەرۆ فتوا | مەجهوولان حازر پەی جەنگ و دەعوا |
| ئی شیعرە مانۆ پەی ڕۆژ عوقبا | هەنی کافییەن سوخەن کەر کۆتا |
| لە عەشق حۆری ئەکەن ئەی نماهـ | اظهر من الشمس مەعلوومەن ئی ماهـ |
| وەبەنی بەشەر هیچ ناکەم ڕیا | گفتار ڕاستی چاکە بۆ پیا |
| مەعلوومەن چە لای ئەهل عورەفا | بێ دین ئەو کەسەن هیچ نەبۆش وەفا |
| دایەمان خاکەن، باوەمان سەما | گرتەنمان مەسلەک ئەجداد و ئابا |
| کەفتەن نەسەرم یەک عەشق سەودا | ها چە دروونم عەجایەب غەوغا |
| بێ حەد و پایان کەردەنم خەتا | یا شاهـ مەردان چە تۆمەن عەتا |
| مەئیوس نەکەری بەندەت بێ نەوا | وە دوازدە ئیمام بەردەنم پەنا |
| شاهـ خوراسان ئەو مووسا ڕەزا | چە یاران دوور کۆ گشت بەڵا و خەزا |
| چەهاردە مەعسووم چە ڕۆژ جەزا | دەستگیرمان ببۆ چە دیوان شاهـ |
| هەفتاد و دوو تەن شەهیدان ڕاهـ | مەقتوول بین وەدەست - - - گومڕاهـ |
| چە دەست گەردوون سەد لا حەول وەلا | ئی نەفس زۆردار من کەرد تەوەلا |
| چە لام چون خاکەن ئەر سیم ئەر تەڵا | ڕەحمەت وە بابۆم من کەرد وە مەڵڵا |
| یە گفتەی عەباس دەروون پڕ جەلا | کەلب کەمتەرین شاهـ کەربەلا |
1950
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse