ئاهووی وەحش تار
Jump to navigation
Jump to search
| ئاهوی وەحش تار ... | جەیرانی سوب خێز ئاهووی وەحش تار |
| شۆخی لارە و لەنج دیدە پڕ خومار | سپەردیم وە دین ڕەسولی نازدار |
| ڕۆیێ هۆرێزا عەزمی سەحرا کەرد | پەی جەلای جەمین، دەست پەرێ جام بەرد |
| بە پێشی ئاوەرد دیا نە پێشدا | دەست ئاوەرد وەبان زوڵفانی وێشدا |
| دەست ئاوەرد وەبان زوڵفی خام دا | لێڵایش ئاوەرد وە ڕووی جام دا |
| ئەودیا وە جام ڕەنگ زەرد و زگار | جام دا وە سەنگدا گرەوا بە زار |
| واتش ئەرێ جام تۆ چە جامێنی | وێران بۆ ئەو شار تۆ لێش ئامێنی |
| جام ئاما زوان فراوان لاڵا | واتش تەقسیرم بێ عەیبەن وەڵڵا |
| تەقسیرم چێشەن مدەریم وە سەنگ | شۆڵەی جەمینت من گێلان جە ڕەنگ؟ |
| تەمام سەڕافان جە ڕووی سەرزەمین | بەیان بوینان ئاینەی جەمین |
| ئەر تۆ ئاینەت نەگێڵان جە ڕەنگ | من بێجام واتەن، سەرم دان وە سەنگ |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse