ئاهووی خوتەن خێز، دیدە تیر خەتا
Jump to navigation
Jump to search
| ئاهووی خوتەن خێز، دیدە تیر خەتا | تاتاری ڕەوێڵ، نافە موشک مەتا |
| وەقت نیمە شەو، خاو مەیۆ نەزد ئەو | تمەز دیدەی وێش مەوینۆ نە خەو |
| جە سامی موژەی وێش بێدار مەبۆ | دەرسات بێ پەروا جە ڕەم تار مەبۆ |
| بەڵێ چێش مەبۆ، ڕەوان، خاترشاد | جە وەشی دەوران، سافی سەر ئازاد |
| ئەحیاوان پڕگوڵ، ناڵەی بولبولان | دایەرەی زنجیر زوڵف سونبلان |
| مەبۆ بە پابەند ئەی خوتەن خێزە | ئەی ئاهووی ڕەوێڵ، موشک ناف بێزە |
| بۆی خوتەن مەیۆ، ئاهووی تافەوە | تاف پێچان بە بۆی موشک نافەوە |
| ئیسە کەردەنش بە زێد، هەم ماوا | ئاوا بۆ شەڵڵا، پێش نیەن ئاوا؟ |
| یا شا بەشقی وێت خاتر ئازادان | نەڕێشان نە دام ناشی سەیادان |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse