ئازیز مەر ئیمشەو نەشنەفتی سەد تەرز
Jump to navigation
Jump to search
| ئازیز مەر ئیمشەو نەشنەفتی سەد تەرز؟ | ناڵەی ناقووسیم جە دڵ مبی بەرز |
| ها ئێستە ئامان وادەی مەماتم | مەر بادەی مەیلت بدۆ نەجاتم |
| هەڵای مەسڵەحەت نییەن وەفاتم | نە ئارەزووی وەسڵ پڕ جە شیفاتم |
| جەستە و گیان و دڵ فیدای وەفاتم | تەشریف بارە پەی قەزای مافاتم |
| وە تاقی تۆنی مایەی حەیاتم | های ئامان، ئامان وەختی بەراتم |
| «بدوازەن» نە خاو ڕەقیبان غافڵ | سا مەرامی دڵ من بکەر حاسڵ |
| فرسەتەن سوبحەن نەشئەی نەسیم بەخش | دڵبەری کەرەم سەهبای سەفا بەخش |
| جە ناکا ئاما شۆخی پڕ وەفا | نمانا جەمین جامی پڕ سەفا |
| دیدە دڵەی زار خەستەی پڕ جەفا | موژەش هۆرداوە جە دەوای شیفا |
| بادەی وەسڵی وێش دا پێم وە کەفاف | لەززەتێ بەردم جە نۆشای مەی ساف |
| خەلاس بیم نە گێج بەحری مەحروومی | پەوکە ویردمەن فەرد «مەعدوومی»: |
| «های وە فەرقی دین زامداران تاج دای | شەریعەت مەیلی لەیلێ ڕەواج دای» |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse