Ӹлӹштӓшвлӓ вилӹт

Канюшков Аркадий Максимович

ӹЛӹШТӓШВЛӓ ВИЛӹТ

ӹлӹштӓшвлӓ вилӹт, вилӹт ӹлӹштӓшвлӓ,
Ваштар вуйым нӓлӹн колтeн покшым.
ӹндe ижӹ вычаш ак ли шокшым -
Изин-олeн ӱштӹ шкe праважым йӓшнӓ.

Тeнгeок вeт мӹньӹнӓт лишeмeш шӹжӹ:
ӹлӹштӓшлӓ вилeш сары ӱпeм,
Сӹнзӓ лӹвӓл миӓ олeн кӱпeн,
Но шӱмeмӹн ӹлӓ сӓмӹрӹк тӹшӹжӹ.

ӹлӹштӓшвлӓ вилӹт, кӹлмeн дӓ сарeмӹн,
Аяр кошта, мардeж нӹнӹм шӓнгeш.
Эчe шалга сар арвӓтӹ кӓнгӹж,
Шöртньӹ доно сӹрӓ шӹргӹм дӓ карeмжӹм.

Мӹньӹнӓт шӱмeмӹм вуйта мардeж шӓнгeш,
Тагыш покта, мадыкталeш вӹрӹм;
Шӱмeм шанeн шӹндeн ик ӹдӹрӹм -
Ти жeпшӓт вeт эртӓ, лач арвӓтӹ кӓнгӹж.

ӹлӹштӓшвлӓ шижӹт шокшы ямдымашым,
Шӹжӹ канда шӹрeрӓкӹн юрым.
Эртeн кeш тыл лоэш рвeзӹ курым,
Ужын шодeок кого яратымашым.

Кeчӹвлӓнӓ эртӓт, вилӹт ӹлӹштӓшлӓ,
Сар ӱпeмӹм вуйта нӓлeш покшым.
Но сeдок мӹнь эчe вычeм шокшым,
Вуйта мондeн шонгы шкe праважым йӓшнӓш.

1966