Ӹлӹмӓшӹн ӹрдӹ

Савельева Евгения Константиновна

Сарапай сола лӹмеш
ӸЛӸМӒШӸН ӸРДӸ

Кугивлӓ лишкӹ угӹц ашкед толнем,
йӓнгемӹн лаштыквлӓжӹм иктӹш конем…
Мӹндӹрнӹ пачылтеш ныр вӹлнӹш коэ
дӓ василеквлӓжӹн арашты шоэ.

Кыце сӓндӓлӹкемжӹм лӹмден кердшӓш:
ныр гач шанавӹл вуйта пӱгӹ кечӓ,
куги лӹвӓлнӹжӹ - пеледӹш ӓршӓш.
Ти цевер кечӹнжӹ - лин йӧн кӓнӓлтӓш.

Лӹпӹвлӓ - шўдӹ вӓк... Сӱӓнет кышты...
Ӓнгӹржӹ тӹрӹштӹ нӹнӹлӓн шӹшӹл.
Вӹд, седӹ, кушкышлан ӓвӓэш шоэш:
пеледӹш лоштыжы ӹлӹмӓш шолеш.

Мӹнь эртем, шукы шанымашым шуэн,
Йымат мӓлӓннӓ простан ӹлӓш шӱден.
Мӱлӓндӹ вӹлнӹ шукы кушкеш шуды,
нӹнӓт вӓк тӧрлӓт дӓ цӓктӓрӓт худам.

Тагачшы кечӹжӓт дӓ шурнын коэ
вӓк, чучеш, райымат, лачокшым, шоэш.
Талаша весӹжӹ мӹндӹр причалыш,
Мӹньӹн гӹнь якорем тишӓк вазалын.

Попевӹ весӹвлӓ: «Талаша поезд,
мӹнь кеем, решӹмӹ, ам код ородеш».
Тевеш, чонгештӹшӹц, йӓнгетшӹм тодын,
тӓнгетвлӓн ойхышты: цат кӹлвлӓм роэт.

Ӹнде, анешлӓжӹ, пыток тӹнь тӹшлӹ,
вет иктӹ веле шачмы вӓр свет вӹлнӹ -
ӹшкӹметӹм ямдет трўк мӹндӹрнӹш строеш,
техень ӹнжӹ ли пуйырымашет соэш.

Туан сӓндӓлӹкет – окняштыш сотет,
йӓнгет дон тӹдӹм тӹньӹ ат керд монден,
хоть кӓнгӹж кечӹн ӓли шӧртньӹ шӹжӹн
туан «пӹжӓшет» - ӹлӹмӓшӹн ӹрдӹ.