Ӟольгыри (Кедров)

Ӟольгыри Автор: Филипп Григорьевич Кедров

Кылдытон дыр: 1928. Источник: Кедров Ф. Г. Катя: Кылбуръёс но повесть / Дасяз но азькыл гожтӥз А. А. Ермолаев. — Ижевск: Удмуртия, 1989. — С. 20. — 112 с. — («Школьная библиотека»).

Ӟольгыри

Дышетскытэк умойтэм,
Пеймыт кылёд номыртэм.
Ӟильыр-ӟильыр ӟольгыри,
Берло лулӟод: «Ой, быри!»

Соин лыктӥм школае
Чебер шулдыр коркае.
Татын, ӟильыр ӟольгыри,
Ми визьмаськомы али.

Лыдӟын, гожъян, лыдъяны,
Кырӟаны но ужаны,
Ӟильыр-ӟильыр ӟольгыри,
Дышетскеммес учкали!

Будӥськом чебер гинэ,
Гыась, кисьмась ю выллем.
Ӟильыр-ӟильыр ӟольгыри,
Кырӟаськом ой-ли, ой-ли!

Пионерын ми ваньмы
Ужез ӵош ужаськомы.
Ӟильыр-ӟильыр ӟольгыри,
Тон но татчы лык али!

1928

---