Горд плаг ымаз курчыса,
Куака кыз йылэ пуксем:
Ӟичы сое адӟыса
Кылын вӧятын куськем.
Ӟеч-а бускель, мар сямен бо
Улӥськоды али та виын,
Мон вылэм вал, туж шудо
Луиллямды шуса, ож куспын…
Петроградын, Мускоын,
Ум ожмаське шуо лэся,
Большевикъёс котькытын,
Йыр луыса уло лэся.
Заводъёсты, фабрикады
Тӥляд быдэс музъемады
Жугиськон тӥрлык лэсьтэмысь
Дугдӥллям шуо ужамысь…
Милям нош, ӧй тӧд, адӟеммы-а
Эӵэ эркын улонъёс,
Туж йӧнтэмесь буржуйёсмы,
Эрик уг сёто дышмонъёс…
Тӥляд табре ӧтчамады
Пичиен бадӟымен люкасько
Кызьы потэ улэмды
Озьы закон тупато.
Куакалэн йырыз вылын луэм,
Ӟичылэсь мактамзэ кылдӥськыса,
Шум потэменыз карррр… шуэм
Плагез усем… ӟичы басьтыса кошкем бызьыса…