Әсәйем(шиғыр). Ф.Мөхәмәтйәнов

Әсәйем ( шиғыр )
автор Ф.Мөхәмәтйәнов

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Әсәйем

Әсәйем кем тиһегеҙме?
Белмәйһегеҙ шуны ла,
«Алтын ҡуллы апай» тиеп
Йөрөтәләр уны ла.
Ҡулы былай алтын кеүек
Ялтырап-нитеп тормай,
Ашханала, бысаҡ тотоп,
Картуф, кәбеҫтә турай.
Бәлеш һала, туҡмас киҫә,
Тәмле аштар бешерә,
Торт яһаһа, өҫтәренә
Һырлап сәскә төшөрә!
Аш-һыуына, тәм-томона
Бөтә халыҡ һоҡлана,
Шуға, алтынға тиң күреп,
Әсәй ҡулы маҡтала!

1988 йыл