Ӓтямӱлäндӹн пурыжы гишäн шанымашвлä

Шимборска Вислава

Äтямӱлäндӹн пурыжы гишäн шанымашвлä
Тӹньӹн пуры шамакет гӹц паснаок ӹлен лäктäш лиэш,
шӱмет веле пӱкш гань цаткыды лижӹ,
мам пуйырен – иzи цäркä гӹц йӱäш
ойхы дä нелӹ годым ӧрдӹштӹ шалгаш,
яжо жеп толмым вычен шӹнzäш
пӹцкемӹш годым ӹшкӹмӹм леведäш,
пырак йӹлгӹжеш гӹнь ”сотемеш” манаш
аяр анжалмым цаклыде кодаш.

Махань пуры шамак нӹнӹлäн эче ак ситӹ,
нӹнӹлäн, кыдывлä йылатен лыкмы вуйта ылыт,
пыдыргыш охоницä, шäлäнен кешӹ шӹкш,
нӹнӹлäн, кыдывлä урын кешӹ пушäнгӹ вуйта ылыт,
кыды рокыш важвлäжӹм келгӹн колтен шоктыде,
кыдын важвлäжӹм мардеж шыпшын лыктын,
но эче ӹлä пелек-турек шӱлен,
äнят тӹдӹ ыжар цӹрежӹмäт ямдаш тӹнгäлӹн
дä шӹргӹн хорыштыжы акат шужгалты?

Äтямӱлäндӹ, валгыды мӱлäндӹ,
урын кешӹ пушäнгӹ веле ит ли тӹньӹ.
ӹлӹмӹ семӹнет цаткыдем дä сусуэм,
ойхым, когоэшнӹмäшӹм, шӹдӹм кӧргӹштет урды.
Кӹрӹлтшӹ шӹртӹ ит ли тӹньӹ.
Охырын тьонгышы шамаквлäм шӹкäл колты.
Тӹньӹм яратыдеок ӹлäш лиэш - дä ӹлäш,
дä нимахань пурым тӹлäт ӹштäш агыл...