Һырғалаҡ(шиғыр). Баязит Бикбай

Һырғалаҡ ( шиғыр ) автор Баязит Бикбай

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Һырғалаҡ

 Ябалаҡлап ҡар яуа,
 Текә тауҙар өйөлә.
 Беҙ сығабыҙ санала
 Һырғалаҡтар эйергә.
 Ел еткермәҫ ерәндәй,
 Тау түбәнгә сабабыҙ;
 Кәйелеп китһә саналар,
 Ҡолайбыҙ ҙа ҡалабыҙ.
 Әй, күңелле һырғалаҡ,
 Онотола бары ла;
 Шыуһын сана шәберәк,
 Текә булһын тау ғына.
 

1988 йыл

---