Һор ҡуян(шиғыр). Абдулхаҡ Игебаев

Һор ҡуян ( шиғыр )
автор Абдулхаҡ Игебаев

.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл

Һор ҡуян

Иң-иң эҫе селләлә
Сәбәләнеп, ҡаңғырып,
Тамаҡҡайҙары кибеп,
Аяҡтарын талдырып
Йөрөй торғас, һор ҡуян
Күреп ҡалды инеште,
Шунан гәлсәр инештән
Һыу эсергә кереште.
Әллә күпме һыу эскәс,
Көскә-көскә тыйылып,
Ҡорһаҡҡайын кәпәйтеп,
Ҡуян ятты һуҙылып.
Бәй, һор ҡуян ҡаҡ ярҙа
Ята тиһеңме оҙаҡ,
Ана елеп бара ул,
Уйнаҡлаған туп һымаҡ.

1988 йыл