Ҡайҙа һайрай һандуғас?(шиғыр). Абдулхаҡ Игебаев

Ҡайҙа һайрай һандуғас? (Шиғыр)
автор Абдулхаҡ Игебаев

.Нәшер ителгән: 1996 йыл. Сығанаҡ: "Уҡыу китабы" - 1 синыф өсөн дәреслек.-Өфө"Китап",1996 йыл

Ҡайҙа һайрай һандуғас?

Ҡайҙа һайрай һандуғас,
Йыры моңло шул ҡәҙәр!
Эҙләнем йырсы ҡошсоҡто,
Таба алманым мәгәр.
Ҡайҙа һайрай һандуғасҡай,
Ҡайҙа һуң тирәккәйе?
Ни тиклем моңдо һыйҙыра
Кеп-кескәй йөрәккәйе!
Ҡайҙа һайрай һандуғасҡай,
Эҙләп табырға ине;
Уның бөтә йырҙарын да
Отоп алырға ине.

1996 йыл