Ғәжәп инде беҙҙең ғүмер. Тамара Искәндәриә

From Wikisource
Jump to navigation Jump to search

Ғәжәп инде беҙҙең ғүмер (Шиғыр)
автор Тамара Искәндәриә


Ғәжәп инде беҙҙең ғүмер


Ғәжәп инде беҙҙең ғүмер.
Араларҙа – аралар…
Кем һуң минең йөрәгемде
Яраларҙан аралар?

Икәүләшеп ситән үреп
Ҡорған оя – ситлекме?
Башҡаларға – көләс йөҙөң,
Миңә — ҡырыҫ битлекме?

Мосафир йән, юлдарыңдан
Ҡайырылып ҡарасы!
Гел офоҡҡа төбәлгән шул
Йәргенәмдең ҡарашы.