Яратeм мӹнь

Ильяков Никандр Филиппович

ЯРАТEМ МӹНЬ

Яратeм мӹнь солаштыш тырым,
ӹвӹртӓ шӱмeм Йынгы вӹд.
Яратeм мӹнь шӓдӓнгӹ нырым,
Ош тӹлзӹм, ваштылшым йӹвӹрт.

Яратeм мӹнь ыжар пушӓнгӹм,
Кӹньӹлтӓ сусум каждый кeк.
Эчe яратeм капка мӓнгӹм,
Дӓ иктӹм агыл, когынeк.

А малын мӓнгӹм, мӹнь кeлeсeм,
Но толькы пӓлӹ... тӹлӓт вeл.
Тӹштӓк "яратыeмeм!" пeлeштeн
Мӹлӓнeм ӹдӹр ирӹ вeк.

И вот тагачы палны, палны
Ышыштeм угӹц ужам мӹнь:
Мӹндӹрнӹ мӓнгӹ мыжыр шалга,
Сагашты коктын - мӹнь дӓ тӹнь.

1944