Яратско сӥзьылэз (Кедров)

From Wikisource
Jump to navigation Jump to search
Яратско сӥзьылэз
Автор: Филипп Григорьевич Кедров
Кылдытон дыр: 1938. Источник: Кедров, Ф. Г. Быръем произведениос — Ижевск : Удмуртской книжной издательство, 1959. — С. 122. — 206, [1] с.: портр. — На удмурт. яз. — 5000 экз.

Яратско сӥзьылэз


Тани нош ик вуиз сӥзьыл куазь,
Шӧдыны но сое чик ӧй лась:
Зарниен биниськиз возь, нюлэс,
Бусыысь октӥмы ю-няньмес.

Ӵуж шунды шудыса ӝужаку,
Пужмерен чильваез шудыку,
Мынӥськом ми дэмен школае,
Шумпотса шудонэн, кырӟанэн.

Кин шуиз вал меда сӥзьылэз:
— Туж шимес, акылес, мӧзмылэс, —
Пумйылтэм шулдырез сӥзьыллэн:
Со лыктэ ми доры ваньбурен.

Учкы-ай милесьтым школамес.
Кылзы-ай куарамес, гуръёсмес,
Кошкыны но уд ӵыд ми пӧлысь,
Милемыз будэтӥсь школаысь.

Нош эркын дыръёсы ми дэмен
Базиськом нюлэскы, возь вылэ,
Бичаськом ӵыж кисьмам палэзез,
Берпумзэ усьтӥськем сяськаез.

Китӥяз адӟиськод луд кечез,
Китӥяз адӟиськод ӟичыез,
Нюлэскысь весь пуась коньыез,
Туръёсыз, чипкетӥсь сялаез.


1938

Public domain
This work is in the public domain in countries where the copyright term is the author's life plus 70 years or less. See Copyright.