Янар туп. Тамара Искәндәриә

From Wikisource
Jump to navigation Jump to search

Янар туп (Шиғыр)
автор Тамара Искәндәриә


Янар туп


Офоҡ ситендә – янар туп!
Ҡайҙа булған нурҙары?
Әллә үткән көн ғәмәле
Көс-хәленме урланы?

Әллә эштән арып ҡайтып
Әүәләнгән икмәк һин?
Шәфәҡ ҡыҙартып
Ҡасмаҡсы,
Һәләк инде ирмәк һин!

Һин офоҡҡа күмелгәндә
Һиҙәм
Ваҡыт ҡәҙерен.
Эй ғүмерем,
Ҡабатланһаң,
Бирер инем әжерен!

Ни ҡылайым,
Әйт тиҙерәк,
Ҡояш бата һалғансы?
– Һөйөүеңде
Әйт
Йәреңә,
Үкенескә
Ҡалғансы…