Якстере теште/1924/38/Тумолов велень тевть

←Свал авардсть, а Михаловонь чинть букакс парасть

Якстере теште, № 38, 13 декабря 1924 г. редактор Глухов, Пётр Семёнович Тумолов велень тевть сёрмадызе Содыця

Председателень тевть→

Якстере теште. Еженедельный орган Мордовской секции при Ц. К. Р. К. П. (б.). — № 38, 13 декабря 1924 г. — с. 3

 

[ 3 ]

Тумолов   велень   тевть.

(Тумолов веле, Рачейской вол., Сызр. у., Ульяновской губ.).

Кизэ чистэ Тумолов велень атятнэ пурнасть промкс модань кувалт. Колоньгемень вайгель пе веледенть ули мода, коната ульнесь революциядо икеле бояронь кецэ. Атятнэ кармасть кортамо промкссонть: кода бу хлопочамсь те моданть. Модась эряволь бу улемс Тумоловонь, но васоло якамс тов сокамо. Сынь полавтыксэлизь моданть рузонь Озерка веле марто. Русснэ максыкс эльть мода Тумоловонь маласто. Тевенть тееме кочкасть ломань, Якунин Костянь, конатане ульнесь охота молеме тов ды сонстензэ саемс седе ламо мода.

Якунин ялгантень максть ярмакт сядо кавксоньгемень целковой. Эрзятнэ арсесть, што сон тевенть тейсы. Озеркав молемадо, мольць сон Сызраньс ды рамась не ярмакнэнь лангс самолетка (велосипед) сонцтензэ. Сась кудов ды мери атятнэнень: атят, модась а хлопочави, а ярмакнэде каш моли. Ломанесь сон сюпав, атятнэ мельдензэ пелить. Сынь кортыть: а эряви тень кис апарксавтамс ломанесь, мейле сонензэ мезинь кис-как иля моль, мези-як а максы. Истя и рамасть Якунынь Костянень веленек велосипед.

Кочкасть лия ломань те тевенть ветямо, Кудяков Ленянь. Мольсь Озеркав модань хлопочамо, зняро тензэ макснесть ярмакт, максынзе межовойнень. Кевкстизе межовоинть: сакшнось ли тезэй Костя Якунин те тевенть кувалма? Сон отвечась: Якунинынь мон эзи ней-гак.

Нейсыньк ялгат, кода велень тевеньть тейсызь беднойтне, кода сюпавтнэ.

Содыця.