Якстере теште/1924/38/Рузонь учительть эрзя велева
| ←Паро роботыця | Якстере теште, № 38, 13 декабря 1924 г. редактор Глухов, Пётр Семёнович Рузонь учительть эрзя велева сёрмадызе Сокицянь кружок |
Эрзянь студентнэнь эрямо чист→ |
| Якстере теште. Еженедельный орган Мордовской секции при Ц. К. Р. К. П. (б.). — № 38, 13 декабря 1924 г. — с. 2 |
| ТОНАВТНИМАНЬ ТЕВТЬ. |
| Рузонь учительть эрзя велева. |
| (Кочкур веле Саранск. у., Пензенск. г.). |
Минек велесэ ноябрань 15 чистэ ульнесь учителень промкс. Промсть 8 ломать 7 учительть и волостной избач. Весе русст. Коть волосцэнек 4 покш эрзя велеть, эйсэст эрзянь учитель анцяк вейке, сеяк эзь угодявт се шкане. Вана промкссонть кармасть кортнеме сень кувалт, — кода эряви тонафтомс эрзя юткова эрзянь эйкакштнэнь. Конат-конат кортыть: мейсь эрзянь келенть тонафтомс — мезекс маштови сон? Сынць-как эрзятне бажить эрзякс тонафтомс эйкакшост. Ве учитель, Мазов, мери:
Мейсь печатыть букварть и газетт эрзянь кельсэ, анцяк юмафтнить ярмакт? Лучше-бу не ярмактнэнь эйсэ печатамс кинижкат и газет рузонь кельсэ. Омбоце учитель, Решетников, мери: давайте штобу покш роботникнень икельде прянок витемс, тейдянок постановления: Кевкстемс эрзя велень промкст — кода сынь арсить тонафтомс эйкакшост, рузонь кельсэ эли эрзянь кельсэ?
Анцяк асодаса, — сермадызь протокол лангс неть валтнэнь и кортамотнэнь — эли эзизь. Эрявить не тонафтыцятнэнь кармафтомс, кода седе чождыне, эйкакшнэнь превс совавтомс и моцест а маштомс. А виде мельцэ эрзянь пакшань тонафтома тевесь аньцяк сестэ лац туи, знярдо велесэнек кармить роботамо эрзянь тонафтыцят.
Сокицянь кружок.