Якстере теште/1924/38/Кода молить велень тевтне

←Кармасть аватнеяк пряст кепсеме

Якстере теште, № 38, 13 декабря 1924 г. редактор Глухов, Пётр Семёнович Кода молить велень тевтне сёрмадызе Куликень цера

Эрзянь пеидьма→

Якстере теште. Еженедельный орган Мордовской секции при Ц. К. Р. К. П. (б.). — № 38, 13 декабря 1924 г. — с. 4

 

[ 4 ]

Кода   молить   велень   тевтне.

 

(Покш—Сурмен.  веле  Самарск.  губ.  Бугурусл.  уезд).

Минек велесэнть тевтне молить пек берянстэ. 1918 иестэньть тевтне молсть седе парсте, сестэ ульнесть ламо вадря партийной роботникть. Седе мейле тусть службав: конат чавовсть, конат ощо служить, кода ульнесть советсонть Поповонь Тихон, Охонькань Ваня, Алексеев и Паряевонь Данька весе учильнятнэнь сайнизь эстест кудокс, ней-гак эрить эйсэст.

Аволь умок кой-кинь кедьстэ содынек учильнян вальматнэнь. Тевенть максынек судс.

Ульнесть канторт, попонь диякононь кудот, сетьнинь так симизь самогононь кис. Велесэньть арась вейкияк коммунист. Улить ниле комсомолт, но сынь кирьдить эсь пряст берянстэ. Сюпавтне арсесть явомо беднойтнень эйстэ артельс и лем артелентень путсть „Африка“. Терсть землемер, конань эйсэ каванясть ойсэ, алсо, овчинасо ды лиясо мейсэ (фамилиязо землемеронть) Землемерт паро тарканть керизе сюпавтнэнень и весе коневтнэнь теинзе сынст енов. „Африканте весе совасть неть конатнэнь панизь куторстост штыксо. Тосо улить ашо офицерт. Ней беднойтне пек пижнить промкссо, амаксыть вал беднойнень. Ошсто сакшныть аламо. Сюпавтнэ вачо иестэнть рамасть скотина, кудост беднойтнень и ней эрить ташто лацо. Улить тесэ Поповт. Ульнесь сынст паровой ведьгевест, 1918-це иестэ лоткавтызь, мерсть: кольсь кой—мезезэ. Знярдо ашотне сакшность, таго нолтнизь яжамо, а кода панизь, лоткавтызь. Кода кармасть 19-це иестэ саеме кавто цераст службав, сестэ сынь атятнэне сайсть приговор, кадомс цераст, кода пек содыцянь почтонь коряс. Цератнэ кадовсть, а ведьгевтнень эзизь нолда. Сайсть лия ведьгев ВИК лангсто и таштонть эйстэ салсизь весе частьнень тов. Ней кемень велеть якить колоньгемень вальгейпеть ведьгевтнень эрявась бу 1918-це иестэ саемс, а минек превтне симезь Поповнэнь. Поповтне икелеяк явсть чаво сюронть, конань усксизь яжамо, ней таго чить салыть. Тевесь максозь Абдулинской Викс, но мекс буте куватс а учови. Может редакциясь кучкорьзынзе козыяк берянь таркас, седи курок тевенть тейсызь.

Куликень  цера.