Якстере теште/1924/36/Учитель ды мельник
| ←Кода роботыть минек интелентэнь ломатне | Якстере теште, № 36, 30 ноября 1924 г. редактор Глухов, Пётр Семёнович Учитель ды мельник сёрмадызе Велень од цера |
Ну и тевть теинить→ |
| Якстере теште. Еженедельный орган Мордовской секции при Ц. К. Р. К. П. (б.). — № 36, 30 ноября 1924 г. — с. 4 |
| Учитель ды мельник. |
| (Уфимской губ. Белебеевск. кант. Вере Курмаза велесэ). |
Кода повняса, минек велесэ ульнесь учильня ды весе перьканзо эрзянь вишка велетнень эйстэ ускилиз эйкакшнэнь тонафлеме учильнянте. 1923-24 иестэнть тонавсь минек велесэ учитель икелень ашо офицэр. Тонавсь пакшатнэсэ пек берянстэ, недленть тонафтыль колмо чить, а остатка читнень сон артниль обувателоской алашасо, вешниль эстензэ козяйка. А мейле муйсь козяйка, анокстась свадьбас, и тонавтума шка тензэ дух арасель. Кизэнть ютавтызе сон велесынек, но кияк парстэ сонзэ эзизе ней, ковгак эзь яка велень тевс. Сась сексь, маласо уж тонафнима шка, а сон тердинзе гостекс, волисполкомонть, месткомонть, симдинзе самагондо ды кучинзе городов серма марто, буто минек велесь учильнядонть отказы. Тевенть тосо инспекторось курок якавтызе, минек учильнянть саизь, ды панжизь лия поселкас, косо анцяк 15 кардаз эрицят и эйстэнзэ анцяк колмо вальгей петь ули покш учильня, а минек кавксо эрзянь велеть кадымизь учильнявтомо. Вана тенк „ликвидация неграмотность“ минек эрзянь велетнень.
А мекс учителесь истя тейсь?
Вана мекс, сонзо улить ведьгевензэ а мельникезэ арась. Сон ней истя арси. Обетц ули учитель учильнясонть, а обеттэ мейле мельник ведьгевсэ.
Эрзянь редакция кода ванат тистя учитяльтне лангс?
Велень од цера.