Якстере теште/1924/36/"Ней эщо седе енсто тефне туить"
| ←Месть теймекс кода ульмекс якстере учителькс? | Якстере теште, № 36, 30 ноября 1924 г. редактор Глухов, Пётр Семёнович „Ней эщо седе енсто тефне туить“ сёрмадызе Кармалинец |
Захар велень учительтнень эрямост→ |
| Якстере теште. Еженедельный орган Мордовской секции при Ц. К. Р. К. П. (б.). — № 36, 30 ноября 1924 г. — с. 4 |
| „Ней эщо седе енсто тефне туить“. |
| (Сок Кармалин. вол., Бугурусл. у., Саратовсо губ.). |
Минек велесэнек ячейкась пек енсто тефтнень ветясь весеме тевень коряс ды роботанть пек верев кепедизе. Берень роботникнень ертовтынзе, седе паро ялгат кочкась весе учреждениятнэнь эзга. Анцяк пек берять кадувсть кавтова: лесничествасо — лесничий Занин ды страховой конторасо — агент сыре атине пазнэнь озныця. Сон сюпафтнэнь эйстэ. (Самарцо кафто кудонзо ды бабазо тосо эри). Аламонь аламонь нетненьгак ертцынек таркастост, коли сынь берянстэ кармить роботамо.
Тейнисть театра, анцяк веле удало ульнесь театрань кудось, ней велесь максць народной кудонь теемс покш сруп жестцо вельтязь. Народной кудось курок уш кенири. Ен ули, вети сядошка карми эйзэнзэ кельгиме. Школанть уш теизь, пакшатнэ тонафтнить ней эйсэнзэ. Кооперациятне роботыть ды торговицятнэнь эйсэ аламонь-аламонь тулкадить яла велетнень эйстэ. Анцяк аламодо вана алац эщо тефтне молить садонь коряс, конань минь тунда теинек. Садось сексь енов пелезэ косксь а сексня эсть путо эйзонзо мезияк оц. Тундонень арцян кой мезе анокстыть путомс ды тунда прибавасынек.
Изба-читальнямок енсто роботы, но кружкатнэ аволь пек парстэ пурнавкшныть. Стенной газетась тожо аламонь-аламонь лиси яла ды вадрявс тукшны.
Берянстэ тефтне аштить покшнэнь сёрмас тонафтниманть кувалт. Учителесь жаловениянть апак лотксе получи а тефтнень а теи ды козыйгак паро мельцо тевс а кунды, сон пек паро ресовиця газетонть лац бу теевелизе.
Сави эщо весть теемс чистка ды сестэ тефтне седе парстэ туить!
Кармалинец.