Якстере теште/1924/28/Лия масторга
| ←Од кулят | Якстере теште, № 28, 21 сентября 1924 г. редактор Глухов, Пётр Семёнович Лия масторга |
Советэнь масторга→ |
| Якстере теште. Еженедельный орган Мордовской секции при Ц. К. Р. К. П. (б.). — № 28, 21 сентября 1924 г. — с. 1 |
[ 1 ]
| Лия масторга. |
| Англия. |
Англиясо течемс спорить миник договоронть лангсо. Англиень правительствась веши парламентэнь пельде те договоронть кемикстыме. Будимкс парламентэсь а кемикстасы договоронть, сестэ паньцисызь те парламентэнть и кочкить лият ломать.
Лия ломатнень сестэ кучи робочей партиесь. Те партиесь весе трудящейтнень марто ащи миник договоронть кис, правительстваськак миник кис. Секс правительствантень охота кочкамкс од парламент. Кучиньдерейть парламентэв ламине робочейть, правительстваськак седе кемистэ карми ащиме, договоронтькак тейсызь миник марто.
Вейке англиень министр истя кортась пурумкссо: „Англиень народонтень пек эсть вечкевкшнэ правительтне, советской Россиень паницятне. Сондо мельц тусь неень правительствась, Россия марто договоронь теицясь“.
Буржуинь депутатнэ те шкане пелить кортамо советской договоронть карчо, пелить парламентсэ тарканть юмавсызь.
| франция. |
Франция ламо ярмак сайнись Американь кецтэ. Те шкане Америка арци тееме истя: кадык Франция панды неть ярмакнень 92 иень перть. Американь буржуйтне азорокс арыть француской фабрикнень лангсо. Газетнэ ламо сермадыть тень эйстэ, что Америка мезикскак а путы Франциень, Германиенть эйстэяк хуже. Франциень покшось, Эррио, чатьмони Американь карчо. Сыненст таго эрявить ярмакт. Америкадо башка костояк а муят.