Якстере теште/1924/24/Афанасий Васильевич Зорькин

←Мелят 1923 иестэ авань тевтне ульнесть седи береть, теди-жо седе парсте молить тевест

Якстере теште, № 24, 14 августа 1924 г. редактор Глухов, Пётр Семёнович Афанасий Васильевич ЗОРЬКИН сёрмадызе Ерюшев, Василий Иванович

М. И. Калинин мери тееме тенек истя→

Якстере теште. Еженедельный орган Мордовской секции при Ц. К. Р. К. П. (б.). — № 24, 14 августа 1924 г. — с. 3

 

[ 3 ]

Афанасий  Васильевич  ЗОРЬКИН.

Ламо минек Советской Россиясо сокиця-роботыця ломать, конатнэнь хозяйствадост, роботадост эряви аволь анцяк гззетс сермадомо, а тонафнеме кецэст. Не ломатьне роботасост невтизь кругомгаст эрицетненень, да и аволь только сынест, аламане и седе васолга месть можна теемс минек моданьть ланксо, эсинек сюроньть эйстэ, анцяк улевель стараният.

Якстере Тештесь сермаць уж весть не трудиця ломатьнеде, Мичуриндэ, Ярсовдо, а мон тесэ евтань эщо вейке эрзень атядо, конадо эряви ламоне содамо и мейс мейс тонафнеме кецэндэ.

Ули Саратов, губ., Петровской уездсэ веле Наумкина, Ст. Захаркинск. вол. Берянь велеськак, эрить беднойстэ, модаст аламо, весе тевест молить лия велень лацо, эсь тук пек икелей, до удалойгак пек эсть кодовк. Те глухой велинесэньтя, ули вейке атя садынь кирьди Афанасий Васильевич Зорькин.

Эри сон асюпавсто, паксень хозяйствандо вети весе лацо. Ули удало пиресэ садозо, а пек покш 800 квадрат, вот тосо ули мезе неемс, мезе ланкс варштамс, да мейс мейс тонафнемс. Сеске неяви кодак сац соват, что роботы ломанесь кода эряви. Вейке мода панкс анеяви, чтобу улеволь апак сокоря, мезеяк аволь уле путозь-видезь.

Тедиде тосо коське ие, садынь кирьдитьне жалобить. се волосьсэньть сад пек аламо, арасьть эмеж, сэвизь сукст. Афанасий Васильевичинь те анеяви. Умарькснэ пешксэть умарьде, алгаст касы эрьва мезинь эмеж.

Но те адива, что сон суксонь панеме атерьгене поп, а пурксэсыньде чувнэнь истямо растворсо, а диво и те, что сондэ сацо паро порядок и саи урожайть даже сестэ, кода кругом эрицятнень ащить чуть а чаво садт. А вана мейсэ Зорькинынь роботазо, сон эсинде сацо касты истят эрьва эмежинь сорт, конат минек таркава акасыть, минек теленьть акирьдить. Улить сондэ и молить пек парстэ виноградт, максыть паро урожай улить умарькст, конат касыть анцяк Крымсэ, эли Кавкайсэ, а Афан. Васил. сынст тонавтыньзе касомо Сарат. губ., северной уездс.

Иеде иес (гадто гоц) сон сынст тонавтыньзе касомо минек моданьть ланкс, кирьдемаст минек телень кельметнень. Тесэ ламо робота, ве чувто хоть ливтеме паро сортонь эряви мельганзо якамо ламо иеть.

Те авесе. Сон ливти эйстэст од сорт, конатнеде наверно эщо асодыть садовникть. Эсиндэ садсо, роботасо сон невти пример, кода эряви роботамс.

Ламо кругом велетнень эзга садасызь Афанасий Васильичинь сокицят и лемендэ лецнэсызь сеецтэ, од садовникненень невти ки кода роботамс.

Мон думсян, местной роботникненень тедо, кода ули сюронь чачмо праздник (празд. урожая) Наумкинасо аэряви стувтомс Афанасий Васильевичин и эряви чествовать сондэ, как трудиця ломанинь, кана невти пример, эсиндэ Афанасий Васильевичин мон тергевлия бу седе сеецтэ сермадомс Якстере Тештес эсиндэ опытнеде. Маласо велень учительтненень эряви эйкакшненень невтемс Афан. Васил. садоньть, сынь несызь тосо кода эряви сад мельга якамс.

Косо эщо ули истямо трудиця? — максодо вальгей.

В. Ерюшев.

 

---