Якстере теште/1924/17/Нижегородской эрзень губконференциентень 2

←Нижегородской эрзень губконференциентень 1

Якстере теште, № 17, 19 июня 1924 г. edited by Васильев, Тимофей Васильевич Нижегородской эрзень губконференциентень by Редакция „Якстере Теште“

ВЦИКсо кортынек эрзень-мокшонь тевди→

Якстере теште. Еженедельный орган Мордовской секции при Ц. К. Р. К. П. (б.). — № 17, 19 июня 1924 г. — с. 2

 

[ 2 ]Редакция «Якстере Теште» эсь пельдензэ ды веси сермадыцетнень пельде арси чумбра чи Нижегородской губернской эрзень пуромксонтень Р. К. П. (б).

Пек чуросто эрзетне пурнавкшныть кортамо ве таркас эсь тевист кувалт. Седеяк пек, ялгат, эрзетне учить тынк решениянк.

Тынк икиле покш тев. Илядо пелть, кундадо смеласто тюриме эрзень чопода чинть марто. Эрзень газетатне тыненк эрьва знярдо кармить лездыме. Сорновтодо эрзетнень саколост, совавтодо эйсыст советэв.

Кадык а пелить эрзетне кундамс пуворькс кецэ кооперативень правленияс эли ВИКс.

Чумбрасто роботадо, ялгат!

Коммунистэнь партиентень чумбра чи!

 

Остатка пелев мертям тыненк: илинк стувт Ильчень валонзо — Эрьва нациесь кадык ули советэнь масторонь кирдицякс. Коли эрзетнень кармавцынк советэнь масторонь (лия нация лацо) кирдеме, сестэ веси тевись теиве Ленинынь лацо.

 

Кудов мольтядо, — стараядо кармавтомс эрзетнень сермацтомс эрзень газета. Школава, кооперативга, ловнома кудова, сельсоветка, эрьва кува эряви выписать газета.

 

Редакция  „Якстере  Теште“.

 

---