Якстере теште/1924/12/Красноармеец, конась тусь кудов
| ←1-ой Маесь пролетариатонь иничи | Якстере теште, № 12, 26 апреля 1924 г. редактор Васильев, Тимофей Васильевич Красноармеец, конась тусь кудов сёрмадызе Красноармеецень ляля |
Лия масторга→ |
| Якстере теште. Еженедельный орган мордовской секции при Ц. К. Р. К. П. (б.). — № 12, 26 апреля 1924 г. — с. 1 |
[ 1 ]
| Красноармеец, конась тусь кудов. |
Миник красноармеецесть эрци истямо обуцязо, конастень аэряве сельме сияцтомс. Зярдо сон красной армиясо, то мелезынь паро, кортат мартунзо. И тонаць сон грамотас и превейсты весемеде корты и соды, вицтэ мерьмекс — а содави, что сон нолгондо а маштыль нафтамо. И кудов мольместэ сонзэ превензэ парт. Сон арци, кода ней парсте и превейстэ карми роботамо (сокамо-изамо) кудосо. Васняткак сон карми рамамо газет «Якстере Теште». Тосо ламо сермадозь, кода эряви сокамо—изамо, чтобу парт урожайт улест. Истя жо арци, кода сон колмо паксянь таркас вете паксят теи и карми видьме клевер, вика и лият парт тикшеть. Сестэ сон и кильдеме карми кирдеме седе ламо, сестэ сонзэ моданзо лангсо и сюро карми седе ламо шачмо. Еще сон арци, что мезе а сти, но рамамс парыне плуг и молотилка вейсэ кияк марто. Сон понгокшнось выставкас и пек тусть мелезэнзэ вейке двухлемешной плуг и однолошадной молотилка. Истя жо сон маресь, ней пек дешувасто максыть сельско-хозяйственной машинатнесэ. Кудов пачкудьмеде мееле сон омбоце чистэ жо моли ошов и саи долкс и плуг и молотилка.
Истят превензе красноармеецесть, зярдо сон невак эзь пачкоть кудов. Но ули сонзо ве думозо, конась зярдыяк прястунзо а лисни. Те думось — кода бу лисьмекс куторов и теймекс парыне хозяйства. Те тевсь, сон соды, пек стака. Но сон арци лисемс аволь ськамондо. Сонзэ улить ялганзо, конатнэ тожо ульнисть красной армиясо и конатнэнень тожо сон соды а пек вечкеви эрямс велесэ колмо пакся лангсо. Не ялгатнэ марто сон и думе лисме эрямо лия од таркав.
Васняткак, кода кудов моли, сонензэ сави урьвакстомс. Теде сон парсте соды. Аванзо—тетянстонзе пек эзь вечкевть, мейсь сон тетянстонзе пек эзь вечкевать, мейсь сон тусь служамо апак урьвакст. Сынст велесэ весе урьвакслесть 18 иесэ. Сонензэ пек амель невак урьвакстомс, и сех пек а амель секс, что сави поп марто венчамс. Красной армиясо сонзэ панжизь сельмензе не весе церькуватнэнь, поптнэнь и пазаватнэнь лангс. Сон пек парсте соды, кода появась масторось, ломатне и весе, мезе ули масторсть лангсо. Поп училищасо яла кортась, что масторсть и весе, мезе ули лангсунзо, теизе паз сисем чис. Но пек сонзэ а манясак не баснятнэсэ. Сон соды ней, что попсь манчи нароцость, кода бу ламине манямс кецтынзэ ярмакт, чтобу нароц парынестэ андозо эснынзэ. Те кода, мерьмекс, шанжав (пондомукоро) карвот кунтли сонцинзэ пизэс. Пек думазезь моли красноармеецесь кудов. Сон ней соды, мейсь берякс эри мужикись, ки тензэ меши. Эряви не мешицятнэнь урядамс кисть лангсто.
Истямо прев марто и сась кудов красноармеецесь. Омбоце статьясо минь и нейсынек, кода сонзэ встречизь и кода сон кармась эрямо.
Красноармеецень ляля.