Якстере теште/1924/12/Ключёвкань коряс

←Месть кортыть попони церьковасо

Якстере теште, № 12, 26 апреля 1924 г. edited by Васильев, Тимофей Васильевич Ключёвкань коряс by Эрзя

Попонь кудос - школа→

Якстере теште. Еженедельный орган мордовской секции при Ц. К. Р. К. П. (б.). — № 12, 26 апреля 1924 г. — с. 4

 

[ 4 ]

Ключёвкань коряс.

(Бугурусланск. уезда, Самарск. губ. Ст. Аверкинской вол.)

Минек веленок покш, эйсэнзэ 710 кудо. Попонок кавто, как сыре айгорт. Ули диакон, авуль умок сиведть псаломщик. Кувака чертне занясть колмо велень кудот, пуромкс кудонок арась. Эрьва годнэ пантанок пуромкс кудонь кис бО пондо сюро, а кемень ломать потмосонзо силой а эциветь. Народной кудонок тожо арась. Од ялгатне кортнить: „Дайте ве кудонть хоть сайсынек велес“, но атятнинь кодаяк а кортасыть. Атянок пек охотнасто только самогонкас молить. А велень председателесь икелейгак невти ки тенст. Каинек, каинек сюро велень тевс, а ков молць, кияк а соды. Председателесь а евты, ков молць сюрось? Уполномоченноенок модань тевень кувалт якиця велистэ, сеяк эзь получа зернаяк якамонь кис. А кой кить басить, что председателесь яки лавкав тейтерь марто кутмордазь. А конат-конат кортнить, что велень сюро маро утом панжумаськак тейтерень кеце эрци. Ней хоть тейтеренть кевкстик, ков молйть велень сюротне.

Эрзя.