Якстере теште/1924/10/Истя роботамс аен

From Wikisource
Jump to navigation Jump to search
Якстере теште, № 10, 6 апреля 1924 г. edited by Васильев, Тимофей Васильевич
Истя роботамс аен by Эсь велень ломань
Якстере теште. Еженедельный орган мордовской секции при Ц. К. Р. К. П. (б.). — № 10, 6 апреля 1924 г. — с. 4
 
[ 4 ]
Истя  роботамс  аен.

Минек Ташто велесо, Бузулукск. уез. кочкинек председатель Сельсовета. Ломаненсь куть ков: и проворной, и грамотаскак парсте соды. Если пурны велень собрания (промкс), карме кортамо — куть ков паро те ломанесь, меревлеть бу тон, те кепеце веленть пильге лангс.

Эрвейке содасы тень, что минек сторонасо голодь иетнедо мейле пек покш робута аште прянок лангсо. И те робутась анцяк сестэ прядове, кода велень председателесь кундэ эйзонзо седе парсте. Но зыянось аште тень эйсо куть и председателенок — Оверькань Дрига пек грамотной и бойка, но пек сеетсто сон веньберть—веньберть оде од аватнень кругом (од ломань мерят буто) ды пек сеетсто копури. „Грехс“ совсе те „пиже гуенть“ марто прах саивлисе.

Минь сермадынек тень кувалт уездной газетас Бузулукской „Землеробс“, но сон теке яла обуцянзо а кацы. Ней думинь мон сермадомо эсинек газетас — эсинек эрзянь „Якстере Тештентей“, можот куть эрзянь газетась сонзо аламошкадо виздилгавсэ. Ата авуль народонть тонавтомо, сонцькак ве лацо как аздан мезе ирицтэ яки...

Те тевесь авуль пек мазый.

Эсь велень ломань

Редак. пельде: если рузонь газетэсь эзизе лоткавт копорямодо, то Якстере тештесь сермадсь усполкомов, тосо аламодо кирьтясызь. А если арась, то ванцынек.