Якстере теште/1924/03/Эрзянь велесэ
| ←Кодамо сюродо мейле видемс товзеронть | Якстере теште, № 3, 11 февраля 1924 г. Эрзянь велесэ by Эрзя |
Глухой уголсто→ |
| Якстере теште. Еженедельный орган мордовской секции при Ц. К. Р. К. П. (б.). — № 3, 11 февраля 1924 г. — с. 4 |
| МЕСТЬ СЕРМАДЫТЬ ВЕЛЕСТЭ |
| Эрзянь велесэ. |
Пандо ало, серовно кирьмецязь, ащи апокш эрзянь велине. Анцяк маласто фатят, што веле. Кудо претне и лато претьне весе вельтязь ловсо, ульця кунчкава, серовно покш пант ащить лов куцят. Ульцятне чавот, анцяк кой госто неят вейке кавто ютыцят.
Валске марто рана тесэ тосо вальмава неяви кой-кона кудосонт палы тол. Турбатнень эйстэ столбом лиси качамо, эзинь кенерь мон колдовойстэ совамо, лиснинь почт мельга, маряса ки бути сы. Неяви Микита атя кели лов потмова. Эзь пачкоть малав и мери: — марить?
— Мезе? — кевкстия мон, наверна, думан таго меньгак чипуха нолдасть.
— Мерить Ленин кулось, исяк чокшне уш промкс кудосо басясть,
— Зря, наверно, Микита ляляй.
— Адя промкс кудов.
Сыргинек кавунек, мольдяно.
Промкс кудось уш пешксе. Амарявнть анцяк спорицять, пижницят. Весе кашт молить.
— Значит, виде — думинь эсь пачкан.
Весе горлаттне промсть, а шум арась. Сась писэрь. Кажной максы ки, скорей ютазо.
Весе ваныть писэрь ланкс. Таргась писэрь конев, кармась ловномо: 21 января в 6 час. 50 м. в Горках около Москвы, скончался Владимер Ильич Ленин. — Буто мерят, аволь икелень чумиця атятне ащить тесэ. Аволь сынст эйстэ ли ульнесть пижницят, мекс пек ламо налог саить.
Ней весе кашт молить. Кой кинь повнень-повнень мещендэ ланкс чудить сельведендэ.
— Стака тенек ульнесь нетне толтнэнь — пшкаць седой Карпа атя, — а яла теке жаль маряви. Аздасынекак, а кода бути сон, вечкевсь.
— Кие ней полавцы сондэ? друк пшкоцить ветешка атя.
Эрзя.